An Plean

Tá costas measta de €570,000 ar an obair chothabhála. Tá sé I gceist tabhairt faoi an obair I trí chéim.

Céim 1: An Díon, Teas agus Leictreachas

Céim 2: Píosa breise agus Ionad Fáilte úr – Brath urláir agus tiles, suíocháin, coiriú ar an green room agus dhá sheomra fheisteais, (nach bhfuil le hathrú de réir an phlean), soilse.

Céim 3: Carr chlos agus obair sheachtrach.

Tá sé I gceist díriú isteach ar an fadhb is mó at dtús, sin an díon. Ach an díon a bheith curtha i gceart, tig tabhairt faoi na céimeanna eile de réir a chéile ag brath ar mhaoiniú a bheith ar fáil. Tá costas measta de €42,000 + CBL leis an díon féin a chóiriú agus is don chaiteachas sin atá an tacaíocht á lorg ó Fhiontar na Cuinge. Tá an measnú sin iniata leis iarratas seo.

Plean de úsáid na hAmharclainne
Bainfear úsáid as an Amharclann athchóirithe leis na rudaí seo a bhaint amach:

  • Drámaí a léiriú ag Aisteoirí Ghaoth Dobhair
  • Drámaí a léiriú ag Aisteoirí eile (ar chuireadh nó ar cíos)
  • Drámaí a léiriú ag scoilteacha an cheantair
  • Na geamaireachtaí a athbhunú
  • Comórtais scoil dhrámaíochta a reáchtáil (scoil drámaíocht agus náisiúnta).
  • Cúrsaí aisteoireachta/drámaíochta & ceardlanna drámaíochta.
  • Coirmeacha ceoil a chur ar fail.
  • Có-oibriú leis na coláistí samhraidh le drámaí a léiriú faoi stiúir Aisteoirí Ghaoth Dobhair/coimeacha ceoil; comórtais dhíospóireachta; agus taispeántais ardáin.
  • Clubanna ceamra/grianghrafadóireachta, taispeántais ghrianghrafadóireachta agus club fichille.
  • Scríbhneoireacht, cumann scríbhneoireachta a bhunú agus cuidiú óna haisteoirí le scripteanna a chur le cheile, agallamh beirte agus filíochta.
  • Scéalaíocht; Cuidiú agus tacaíocht le scéalaíocht a chur chun cinn sa pharóiste.
  • Club amaitéarach le físeanna a chleachtadh dírithe ar an aos óg.
  • Iarsmalann: an trealamh a bhí a úsáid ag na haisteoirí a chruinniú agus a chur le cheile agus a chur ar thaispeántas.
  • Ceangal a chruthú le grúpaí eile drámaíochta agus cultúrtha sa phoblacht agus sna se chontae. Ceangal a dhéanamh leis an Alban agus Manainn.
  • Stair, litríocht agus oidhreacht na nGael a chothú I measc an phobail.
  • An Amharclann a chur ar fail do ghrúpaí ceoil mar an Chrann óg mar shampla.